Այսօր՝ ժամը 15:00-ի սահմաններում, ավազակային հարձակում է տեղի ունեցել Երևանի Բաշինջաղյան փողոցի 65 տան վրա: Այս մասին տեղեկացնում են ՀՀ ոստիկանության լրատվական ծառայությունից:

Հարձակվողը, դիմակավորված և զինված, մտել է տուն, հանդիպելով տանտերերի դիմադրությանը՝ կրակել է նրանց ուղղությամբ: Տանտերերից մեկն էլ դանակով հարվածել է հարձակվողին:

Ահազանգով դեպքի վայր են մեկնել ոստիկանության ծառայողներ, շտապօգնության խմբեր:

Վնասվածք ստացած երկու անձ տեղափոխվել են «Արմենիա» բժշկականկենտրոն, որտեղ էլ, գիտակցության չգալով, հարձակվողը մահացել է:

Հանգամանքները ճշտվում են: Դեպքին ոստիկանությունը մանրամասն կանդրադառնա ավելի ուշ: