«Նոր Հայաստան» ճակատը տեղեկացնում է, որ Կապանում կազմակերպված հավաք-հանդիպման ժամանակ Սյունիքի մարզպետի խորհրդականի և Կապանի քաղաքապետի գլխավորությամբ մի խումբ անձինք այսօր պարբերաբար փորձել են խոչընդոտել հանդիպումը և սադրել նրա մասնակիցներին:

«Հանդիպմանը ներկա մի քանի տասնյակ ոստիկանները հանցավոր անգործություն են դրսևորել, թեպետ հանդիպման մասնակիցները բազմիցս դիմել են նրանց՝ հորդորելով օրենքով սահմանված կարգով ապահովել խաղաղ հավաքի անվտանգությունն ու ընթացքը»,- հայտնում է «Նոր Հայաստան»-ը: