Երևանի քաղաքապետարանի աշխատակազմի մշակույթի և տուրիզմի վարչությունը հայտարարում է Ձմեռ պապերի և Ձյունանուշների ստուգատես՝ արտոնագրվելու և Նոր տարվա ու Սուրբ ծննդյան տոներին Հանրապետության հրապարակի տոնական միջոցառումներին մասնակցելու համար: Այս մասին տեղեկացնում է քաղաքապետարանը:

Դեկտեմբերի 17-ին և 18-ին` ժամը 12:00-16:00-ն, ցանկացողները կարող են դիմել Երևանի քաղաքապետարանի աշխատակազմի մշակույթի և տուրիզմի վարչություն: Լրացուցիչ տեղեկությունների համար քաղաքապետարանի աշխատակազմի մշակույթի և տուրիզմի վարչություն տրամադրում է հետևյալ հեռախոսահամարը 514-197: