![](/static/articles/64/67/l-u0N9QN8tMk.jpg)
Մարզպետի պաշտոնի վրա ա՞չք ունեն
Արմավիրի մարզպետ Աշոտ Ղահրամանյանն այն պաշտոնյաներից է, որի առաջիկա հրաժարականի մասին լուրերը տեւական ժամանակ է, շրջանառվում են մամուլում:
«Հետքի» հետ զրույցում Աշոտ Ղահրամանյանն ասաց, թե նախ, պաշտոնը մարդուն տալիս են ոչ մշտական, այլ ժամանակավոր, երկրորդ՝ համոզված է, որ այն ժամանակահատվածում, որում ինքը մարզպետ է աշխատում, թե երկրի նախագահը, թե կառավարությունն իրենից դժգոհ չեն:
«Թե ով է այդ լուրերը տարածում, չգիտեմ: Փառք Աստծու, այսօր մեր ժողովրդի վերաբերմունքն էլ է իմ նկատմամբ դրական, եւ դուք դա տեսնում եք: Համոզված եմ, որ այս ամենը չար լեզուների կամ չար մարդկանց պատվերն է»,- ասում է Ա. Ղահրամանյանը:
Հարցին, թե հնարավո՞ր է՝ ինչ-որ մեկը աչք ունի մարզպետի պաշտոնի վրա, Ա. Ղահրամանյանը հետեւյալ պատասխանը տվեց. «Այդպիսի պաշտոն կա՞, որի վրա մարդկանց աչք չլինի: Ես համոզված եմ, որ չկան այդպիսի պաշտոններ»:
Մեկնաբանություններ (5)
Մեկնաբանել