Անի Գևորգյան

Շուշանիկ Գալոյանը այս տարի ամանորյա խնջույքի չի պատրաստվում: Նա որոշել է դեկտեմբերի 31-ին ընտանեկան փոքր ընթրիք կազմակերպել: Ասում է` ավելի մեծ պատրաստության համար գումար չունի: Բանջարեղենի առեւտրով զբաղվեղ կինը նախատոնական օրերին փուչիկների վաճառքով է զբաղվում: «Այսօր 10 կմ քայլելուց հետո կարողացել եմ վաստակել 300 դրամ»,- պատմում է Շուշանիկը:

 Շուշանիկ Գալոյանը փուչիկների մեկ կապոցը վաճառում է 500 դրամով:

Կինը պատմում է, որ մեկ կապոցի վաճառքից վաստակում է 100 դրամ:

«Շենքերի բակերով էի շրջում, բանջարեղեն վաճառում, բայց գործը շատ վատ էր»:

«Հիմա էլ եմ բակերով շրջում, բայց տոնական փուչիկներ վաճառելու հույսով»:

«Նախկինում երեխաները տեսնում ու վազում էին իմ կողմ: Հիմա անտարբեր են»:

«Ամանորի համար դեռ որեւէ բան չեմ արել: Ոչ երեխաներիս եմ որեւէ բան գնել, ոչ էլ սեղանի համար որեւէ բան:Մենք միայն փոքր ընթրիք կանենք: Տոլմա կպատրաստեմ ու խմորեղեն»:

«Ավելի շատ բանի համար գումար չկա: Եթե իմ հյուրերը իմ ունեցածի համար պետք է գան, թող չգան»:

«Անցած տարի այս ժամանակ օրական 5000 դրամ աշխատում էի»:

«Ես լավատես եմ: Հույս ունեմ, որ օրվա մեջ փուչիկների մի քանի կապոց դեռ կվաճառեմ»: