Դեկտեմբերի 29-30-ը Վայոց ձորի մարզի Արենի-Խաչիկ ավտոճանապարհի 8-9-րդ կիլոմետրի հատվածը փակ է լինելու` կապված ճանապարհի այդ հատվածում գտնվող ժայռաբեկորի պայթեցման աշխատանքների հետ, որոնք կատարվելու են հնարավոր քարաթափումը կանխելու նպատակով:

Տարածքային կառավարման և արտակարգ իրավիճակների նախարարությունը հայտնում է, որ այս պահին տեղում շարունակում են պայթեցման 2-րդ փուլի նախապատրաստական աշխատանքները: Ժայռաբեկորի պայթեցումը նախատեսվում է իրականացնել դեկտեմբերի 30-ին` ՏԿԱԻՆ փրկարար ծառայության ուժերով:

Նախարարությունը տեղեկացնում է նաև, որ Արենիից Խաչիկ համայնք երթևեկելու համար օգտագործվում է Նորավանք-Ամաղու-Խաչիկ շրջանցող գրունտային ճանապարհը, որը բարեկարգվել է և հանձնվել շահագործման: