Ըստ Երևանի քաղաքապետարանի՝ ձյան տեղումների դադարից հետո մայրաքաղաքի բոլոր վարչական շրջաններում լայն թափով մեկնարկել են փողոցների ձնամաքրման ու ձնահեռացման աշխատանքները: Այս ամենին զուգահեռ` փողոցները մշակվում են աղի ու ավազի խառնուրդով:

Իրականացվող աշխատանքները համակարգվում են  Երևանի քաղաքապետարանի համապատասխան ծառայությունների և հատուկ օպերատիվ շտաբի կողմից: Աշխատանքների ընթացքը տեղերում վերահսկում են վարչական շրջանների ղեկավարները: