Հունվարի 19-ին Հայաստանի մայրաքաղաք Երեւանում Հրանտ Դինքի հիշատակին նվիրված երթ է տեղի ունենալու։

Այս տարի Հրանտի հիշատակին նվիրված ստորագրահավաք էլ է իրականացվելու։ Հրանտ Դինքի հիշատակը վառ պահելու համար և որպես նրա անձնազոհ գործունեությանը երախտագիտության դրսևորում՝ կոչ է արվում մայրաքաղաքի փողոցներից մեկն անվանակոչել Հրանտի անունով։ 

Հրանտ Դինքի հիշատակին նվիրված արարողության հայտարարության մեջ Հայաստանի բնակիչներին կոչ է արվում հունվարի 19-ին՝ ժամը 17։00-ին, միանալ ստորագրահավաքին, որը տեղի է ունենալու Երեւանի քաղաքապետարանի առջև։ 

Ստորագրահավաքից հետո նախատեսվում է երթ իրականացնել դեպի Հանրապետության հրապարակ։ Երթի ավարտին մոմավառություն է իրականացվելու՝ նվիրված Հրանտ Դինքի հիշատակին։  

Հունվարի 19-ին Հրանտ Դինքի հիշատակի արարողություններ են իրականացվելու Թուրքիայի Ստամբուլ, Անկարա և Բուրսա քաղաքաներում։ Մի շարք միջոցառումներ են նախատեսվում նաև Գերմանիայի Բեռլին և Քյոլն քաղաքներում, Շվեդիայում, Կանադայում, Ֆրանսիայում։