ՀՀ տարածքային կառավարման և արտակարգ իրավիճակների նախարարությունը տեղեկացնում է, որ հունվարի 25-ի ժամը 05.00-ի դրությամբ ՀՀ տարածքում ավտոճանապարհները հիմնականում անցանելի են:

Փակ են Սոթք-Քարվաճառ, Գյումրի- Բավրա, Գյումրի-Արմավիր, Գյումրի-Մարալիկ, Լուսաշող-Լանջառ ավտոճանապարհները և Վարդենյաց լեռնանցքը:

Դժվարանցանելի են Սպիտակի ոլորանները, Երևան -Գյումրի ավտոճանապարհի Լանջիկ գյուղի հատվածը, Վանաձոր-Ալավերդի, Վանաձոր-Գյումրի, Ամասիա-Աշոցք և Սյունիքի մարզի ավտոճանապարհները:

ՀՀ գրեթե բոլոր մարզերում առկա են տեղումներ ձյան տեսքով:

Ամասիա-Աշոցք ավտոճանապարհին նկատվում է ձնախառն բուք:

ՀՀ Վայոց ձորի մարզում՝ Արենի-Խաչիկ ավտոճանապարհի 8-9-րդ կիլոմետրի հատվածում, իրականացվում են ճանապարհահատվածի մաքրման աշխատանքներ, ինչի հետևանքով նշված ավտոճանապարհը երթևեկելի է միակողմանի:

ՃՇՇ աշխատակիցներն իրականացնում են ճանապարհների մաքրման և մշակման աշխատանքներ:

ՀՀ ՏԿԱԻ նախարարությունը վարորդներին խորհուրդ է տալիս վերոնշյալ ճանապարհահատվածներով երթևեկել միայն խիստ անհրաժեշտության դեպքում' ձմեռային անվադողերով:

Ի կատարումն ՀՀ ՏԿԱԻ նախարարի հրամանի՝ նախարարության բոլոր հերթապահ ստորաբաժանումները 2015 թ.-ի դեկտեմբերի 25- ից իրենց ծառայությունն իրականացնում են ուժեղացված ռեժիմով:

Վրաստանի ՆԳՆ ԱԻ դեպարտամենտից ստացված տեղեկատվության համաձայն' Ստեփանծմինդա-Լարս ավտոճանապարհը փակ է բոլոր տեսակի ավտոմեքենաների համար: