Այսօրվա աշխատանքային խորհրդակցության ժամանակ Երևանի քաղաքապետի առաջին տեղակալ, քաղաքապետի պաշտոնակատար Տարոն Մարգարյանը հանձնարարել է խիստ վերահսկողություն իրականացնել դպրոցներում ու նախադպրոցական ուսումնական հաստատություններում դրամահավաքության երևույթը բացառելու համար:

Տարոն Մարգարյանը վկայակոչել է լրատվամիջոցներում տեղ գտած որոշ հրապարակումներ, որոնք անդրադարձել են դրամահավաքության խնդրին: Նա հանձնարարել է նման երևույթներ հայտնաբերելու դեպքում խիստ միջոցներ կիրառել տնօրենների նկատմամբ: Այս մասին հայտնում է Երևանի քաղաքապետարանի տեղեկատվության և հասարակայնության հետ կապերի վարչությունը: