![](/static/articles/06/59/l-5hXqJKD5ud.jpg)
«Հայկական ժամանակ». Հայաստանին սպառնում է արտագաղթի ամենաահռելի ալիքը
Թերթի տեղեկություններով, դեռևս տարեսկզբին ՀՀ իշխանությունների անցկացրած ուսումնասիրության համաձայն, եթե Հայաստանում պահպանվի ներկայիս քաղաքական իրավիճակը, ապա տարեվերջին արտագաղթի ցուցանիշը կհասնի 300 հազարի:
Այս ցուցանիշը չի ներառում Վրաստան արտագաղթողներին, քանի որ նրանց մեծ մասը, հարևան երկրում բիզնես հիմնադրելով և այնտեղ գործունեություն ծավալելով հանդերձ, շարունակում է հաճախակի գալ-գնալ, ըստ այդմ, համարվում է, որ նրանք Հայաստանում են:
Նույն ուսումնասիրությունները ցուց են տվել, որ արտագաղթի հիմնական պատճառը բնակչության մոտ 80 տոկոսի շրջանում առկա հուսալքությունն է և վաղվա օրվա հանդեպ անվստահությունը:
Այսինքն' Հայաստանին սպառնում է արտագաղթի 90-ականների' պատերազմի տարիներից ի վեր ամենաահռելի ալիքը, որը կանխելու համար ՀՀ քաղաքացիները պետք է սկսեն հավատալ իրենց վաղվա օրվան: Իսկ այս խնդիրը հնարավոր է լուծել միմիայն իշխանափոխությամբ: Իշխանափոխություն կամ Հայաստանի հայաթափում. այս բանաձևը ամփոփում է նշված ուսումնասիրության եզրակացությունը:
Մեկնաբանել