Իր դիմումի համաձայն` աշխատանքից ազատվել է ՀՀ վարչապետի խորհրդական Սերգեյ Լոքյանը: Լուրը հաստատեց վարչապետի մամուլի քարտուղար Գոհար Պողոսյանը: Նրա տվյալներն արդեն հանվել են կառավարության պաշտոնական կայքէջից: Սերգել Լոքյանից պարզաբանում ստանալ չհաջողվեց, թե ինչու է ազատվել խորհրդականի պաշտոնից:

Նշենք, որ Սերգեյ Լոքյանը տարածքային կառավարման և զարգացման նորանշանակ նախարար ՀՅԴ անդամ Դավիթ Լոքյանի որդին է: Նա բիզնեսներ ունի և չի բացառվում, որ հետագա գործունեությունը հենց այդ ոլորտում է ծավալելու: