Երևանի ավագանին մարտի 18-ին գումարված հերթական նիստում հաստատել է Երևան քաղաքի 2015թ․ բյուջեի հաշվետվությունը, համաձայն որի եկամուտների մասով կատարողականը կազմել է 108,4 %, ինչը նախորդ տարվա համանման ցուցանիշից ավել է 12,6%-ով։ Այս մասին տեղեկացնում է Երևանի քաղաքապետարանը:

Քաղաքապետի տեղակալ Վահե Նիկոյանը նշել է, որ բյուջետային տարվա ավարտին պարտքեր չեն թողնվել և փաստացի կատարողականի սահմաններում ստանձնած բոլոր պարտավորություններն ամբողջությամբ ֆինանսավորվել են: