«Յուքոմը» սկսել է ներդնել LTE ռադիոհասանելիության ցանց Հայաստանի ողջ տարածքում
2015 թվականին «Յուքոմ» ընկերությունը ձեռք էր բերել «Օրանժ Արմենիայի» 100 տոկոս բաժնետոմսերը՝ այդպիսով ընդլայնելով իր ծառայությունները դեպի բջջային կապի և շարժական իներնետի ծառայությունների տրամադրում: Այժմ «Յուքոմ» և «Օրանժ Արմենիա» ընկերությունները մտել են բրենդի փոփոխման փուլ և շուտով կմիավորվեն մեկ միասնական՝ «Յուքոմ» բրենդի տակ:
Ինչպես հայտնում է «Յուքոմը», փոփոխությունների փուլը գրեթե աննկատ կանցնի «Օրանժ Արմենիայի» բաժանորդների համար, քանի որ ծառայություններում ակնհայտ փոփոխություններ չեն կատարվել: Ընկերությունը խոստանում է, որ փոփոխությունները դեռ կլինեն ապագայում և միայն դեպի լավը:
««Յուքոմ» ընկերության որդեգրած քաղաքականության շնորհիվ ոչ միայն կպահպանվի, այլ նաև կբարելավվի «Օրանժ Արմենիայի» ողջ ենթակառուցվածքը: Առաջին քայլն արդեն արվել է՝ «Յուքոմը» սկսել է ներդնել գերժամանակակից LTE ռադիոհասանելիության ցանց Հայաստանի ողջ տարածքում: Բրենդի փոփոխման փուլից անմիջապես հետո, որը տեղի կունենա ապրիլ ամսվա ընթացքում, բոլոր բաժանորդներին սպասվում են հաճելի անակնկալներ նոր առաջարկների, փաթեթների և ծառայությունների տեսքով»,- հայտնում է «Յուքոմը»:
Մեկնաբանել