Այս գիշեր ղարաբաղա-ադրբեջանական հակամարտ զորքերի շփման գոտում արձանագրվել են կրակի դադարեցման շուրջ պայմանավորվածությունների խախտման բազմաթիվ դեպքեր: Այս մասին տեղեկացնում է ԼՂՀ պաշտպանության նախարարությունը: Հակառակորդը, ըստ պաշտոնական հաղորդագրության, բացի տարբեր տրամաչափի հրաձագային զինատեսակների և ականանետերի կիրառումից, ձեռնարկել է նաև հետախուզադիվերսիոն գործողության երկու փորձ:

«ՊԲ առաջապահ ստորաբաժանումները ժամանակին հայտնաբերել են ադրբեջանական հատուկ ջոկատայինների առաջխաղացման փորձերը և վերջիններիս հետ շպրտել ելման դիրքեր», - հայտնում է նախարարությունը` տրամադրելով հետևյալ լուսանկարները: Դրանցում, ըստ ՊՆ-ի, հայ խաղաղ բնակչության դեմ հանցագործություններ կատարած ադրբեջանական խմբի դիակներն են (եթե ցանկանում եք դիտել լուսանկարները խոշոր չափով, կարող եք մեծացնել դրանք):

առաջին լուսանկարը` Արմեն Երամիշյանի