«Քաղաքացի դիտորդ» նախաձեռնության դիտորդներն այսօր որպես դիտորդ մասնակցում են Արագածոտն, Լոռի, Կոտայք մարզերի համայնքների տեղական ինքնակառավարման մարմինների ընտրություններին: 

Նրանք արձանագրել են հետևյալ խախտումները.

Ընտրատեղամաս 29/1
Սպիտակ, Թիվ 5 հիմնական դպրոցի շենք, Իտալական թաղամաս 176

Տեղամասում պարբերաբար հայտնվում են միևնույն թեկնածուի մի քանի վստահված անձինք, ինչպես նաև կողմնակի անձինք։

Քվեախցիկից հայտնաբերեցին դատարկ ծրար և քվեաթերթիկ, դիտորդները և վստահված անձնինք առաջարկել են մարել քվեաթերթիկը և արձանագրություն կազմել։ Սակայն հանձնաժողովի նախագահը հրաժարվել է՝ ասելով, որ ծրարն ու քվեաթերթիկը կդնեն իրենց տեղում և նորից կօգտագործեն:

Թալին, Թիվ 2 հիմնական դպրոց, Մյասնիկյան փողոց 17 շենք
Ընտրողների խմբերի փոխադրում և/կամ կուտակումներ տեղամասից դուրս
Մարդկանց և մեքենաների կուտակումներ տեղամասից դուրս՝ 50 մետր շառավղով: Առկա է տեսագրություն:

ժամը 11-ի սահմաններում մի կին ընտրող քվեախցից դուրս եկավ՝ քվեաթերթիկը բաց վիճակում և հանձնաժողովին տեղեկացրեց, որ սխալ է լրացրել, խնդրեց նոր քվեաթերթիկ տալ: Հանձնաժողովի անդամները հրաժարվեցին նոր քվեաթերթիկ կարող տալ, պատճառաբանելով, որ նման իրավունք չկա: Տեղամասում ներկա վստահված անձինք առարկեցին, որ նորը տալու իրավունք կա և հանձնաժողովը պարտավոր է նոր քվեաթերիկ տալ: Հանձնաժողովի անդամների և վստահված անձանց միջև ծագած տարաձայնության և վեճի արդյունքում ընտրողը սկզբում ջնջեց իր քվեարկած քվեաթերիկի վրա, այնուհետև պատռեց այն, դրեց սեղանին և դուրս եկավ տեղամասից: Հանձնաժողովը որոշեց և նրա պատռած քվերաթերթիկը դրեց ծարարի մեջ ու գցեց քվերատուփի մեջ՝ առանց գրանցամատյանում որևէ արձանագրման:

25/1 ընտրատեղամաս

Հրազդանի 25/1 ընտրատեղամասում քվեախցից հայտնաբերվել է դատարկ ծրար: Ընտրությունները դիտարկող «Քաղաքացի դիտորդ»-ի հաղորդմամբ` հանձնաժողովի նախագահը սկզբում հրաժարվել է գրանցամատյանում արձանագրել այդ փաստը, սակայն տեղամասում ներկա վստահված անձանց և դիտորդների պահանջով հանձնաժողովը կատարել է գրառում գրանցամատյանում:

25/1 ընտրատեղամաս, 13:08

Հրազդանի 25/1 ընտրատեղամասում ընտրողների գրանցումն իրականացնող անդամը ընտրողի ստորագրության դիմաց, համապատասխան սյունակում, ստորագրում է` անհատական կնիքը դնելու փոխարեն: «Քաղաքացի դիտորդ»-ի հաղորդմամբ` դա պատճառաբանում է նրանով, որ նախորդ օրը ինքը քվեաթերթիկները և ցուցակների հակառակ կողմում ոչ թե դրոշմակնքել է, այլ ստորագրել է : Դիտորդը հանձնաժողովի նախագահի ուշադրությունն է հրավիրել այն հանգամանքին, որ ԸՕ-ով պահանջվում է դնել դրոշմակնիքը:

Մանրամասները՝ այստեղ: