Այսօր համայնքապետի ընտրություններ են Թալինում: Ընտրությունները դիտարկող «Քաղաքացի դիտորդ»-ը Թալինի տարբեր ընտրատեղամասերում արձանագրել է կողմնակի (չլիազորված, վկայական չունեցող) անձանց ներկայություն և 15 հոգուց ավել անձանց կուտակումներ տեղամասում: Ըստ դիտորդների` ընտրողների խմբեր են փոխադրվում և կուտակումներ կան տեղամասից դուրս: 

15/1 տեղամասում, որը տեղակայված է Թալինի մշակութի տանը, ընտրողները միասին են մտնում քվեախցիկ։ Ըստ դիտորդների` հանձնաժողովի նախագահը ոչինչ չի ձեռնարկում։ Նրանց վկայությամբ` հանձնաժողովնի նախագահը մերժում է դիտորդի, ԶԼՄ ներկայացուցչի և վստահված անձի կողմից մատնանշված խախտումը գրանցամատյանում գրառել: