![](/static/articles/67/98/l-6wCzMdvHIH.jpg)
Սյունիքի մարզպետի հարցը`«հաջորդ դասին»
Մոտ մեկ ժամ առաջ ավարտվել է ՀՀԿ-ի գործադիր մարմնի նիստը: Ըստ պատգամավոր Գալուստ Սահակյանի` այն եղել է աշխատանքային:
ՀՀԿ-ի նիստը գլխավորել է նախագահ Սերժ Սարգսյանը եւ քննարկվել են առաջիկա ընտրություններին վերաբերող եւ ներկուսակցական մի շարք հարցեր: Այս նիստում հասարակության հետաքրքրող ընդամենը մեկ հարց է քննարկվել` Իջեւանի համայնքապետի ընտրություններում ՀՀԿ-ի պարտությունը: Կուսակցությունում քննարկվել է պարտության պատճառները, եւ դրանից հետեւություններ են արել:
ՀՀԿ-ի մամուլի խոսնակ Էդուարդ Շարմազանովի փոխանցմամբ, Սյունիքի մարզպետ Սուրիկ Խաչատրյանի կողմից գործարար Սիլվա Համբարձումյանին ծեծի ենթարկելու միջադեպին, ապա ՀՀԿ-ի գործադիր մարմնի աշխատանքային նիստում չի քննարկվել: Կուսակցությունում որոշել են դրան անդրադառնալ նախաքննական մարմնի կայացրած որոշումից հետո:
Ըստ Շարմազանովի` այսօր չեն անդրադարձել նաեւ ԱԺ նախագահի թեկնածուի ընտրության հարցին: Նրա խոսքերով` քանի դեռ Հովիկ Աբրահամյանի հրաժարականի դիմումը վերջնականապես չի ընդունվել, այժմ կոռեկտ չէ այդ մասին խոսելը:
Նշենք, որ գործադիր մարմնի աշխատանքային նիստին մասնակցել են նաեւ վարչապետ Տիգրան Սարգսյանը եւ ԱԺ արդեն նախկին նախագահ Հովիկ Աբրահամյանը:
Մեկնաբանել