Սերժ Սարգսյանն այսօր հրամանագիր է ստորագրել Դավիթ Փախչանյանին Հայաստանի Հանրապետության պաշտպանության նախարարի տեղակալ - պաշտպանության նախարարության ռազմարդյունաբերության պետական կոմիտեի նախագահ նշանակելու մասին: Ստորեւ՝ Դավիթ Փախչանյանի կենսագրական տվյալները, որը տրամադրել է նախագահի աշխատակազմի հասարակայնության եւ տեղեկատվության միջոցների հետ կապերի վարչությունը: 

ԴԱՎԻԹ ՓԱԽՉԱՆՅԱՆ

Ծնվել է 1970թ. նոյեմբերի 6-ին, Երևանում:

Կրթությունը՝ բարձրագույն, 1992թ. Մոսկվայի ֆիզիկատեխնիկական ինստիտուտ, 2010թ. Մոսկվայի էկոնոմիկայի

բարձրագույն դպրոց:

Դավիթ Փախչանյանը Մոսկվայի ֆիզիկատեխնիկական ինստիտուտում ուսումն ավարտելուց հետո աշխատանքային

գործունեությունը սկսել է «Ավիտ» ընկերությունում որպես մենեջեր: 1998-2013թթ. Եղել է «Աերոսիբ»

ավիափոխադրումներ ընկերության գործադիր տնօրեն-համահիմնադիր:

2006թ. ծավալել է հասարակական գործունեություն՝ լինելով «Այբ» ակումբի, «Այբ» կրթական և «Բենհուր

Փախչանյան» բարեգործական հիմնադրամի համահիմնադիր: 2014թ. եղել է «Արար» քաղաքակրթական

հետազոտությունների հիմնադրամի համահիմնադիր-հոգաբարձուների խորհրդի անդամ: 2014թ. առ այսօր հանդիսանում

է «Դիլիջան կենտրոնական դպրոցի», իսկ 2015թ.-ից նաև «Այբ» կրթական հիմնադրամների հոգաբարձուների խորհրդի

նախագահ:

Մոսկվայի ֆիզիկատեխնիկական ինստիտուտին կից անցել է ռազմական պատրաստություն, ունի պահեստազորի

«լեյտենանտ» զինվորական կոչում:

Ամուսնացած է, ունի մեկ երեխա:

Փախչանյանի լուսանկարը՝ «Այբ» կրթահամալիրի էջից: