Կարծում է՝ պանրի գինը մինչև գնորդին հասնելը զգալի բարձրանում է․ «Եթե մենք բարձրաձայնենք այս հարցը, հետևանքներն ինչպիսի՞ն կարող են լինել։ Ոչ մի բան չի կարող փոխվել։ Եթե ասենք՝ գիտեք, խանութներում պանրի գինը պահում են, ոչինչ չի տալու։ Քանի որ պանրագործների մեջ մրցակցությունը ազատ է, ապա մենք չենք կարող ասել՝ եթե ձեզ բերում, ավելի էժան գնով պանիր են տալիս, դրան համարժեք դուք գինը իջեցրեք։ Խանութի տերը շատ պատճառներ կարող է բերել, թե ինչու նա չպետք է իջեցնի պանրի գինը։ Հետո, եթե խանութ տերը պանրի գինը իջացնում է, նա, անկախ իրենից, կարող է նպաստի, առանց այդ էլ պանրի իջած գինը առավել նվազմանը։ Խանութներին սպառնալ, գին թելադրելը կարող է վատ հետևանքներ ունենալ»,-պարզաբանում է միության նախագահը։

ՀՀ գյուղատնտեսության նախարար Սերգո Կարապետյանը օրեր առաջ այցելել էր Ցամաքասար համայնքում գործող «Աստղ կաթնամթերքների արտադրության» սպառողական կոոպերատիվ, ծանոթացել պանրագործության հաջողություններին, պանրատեսակներին, պանրի արտադրության սարքավորումներին։ Սակայն Գիգոյանը ցանկանում է, որ քաղաքացիները տարբերակեն հեռուստատեսությամբ ցուցադրվող, իրականության հետ այդքան էլ չառնչվող կոոպերատիվը իրականից, որտեղ առկա են բազում խնդիրներ և բացեր։ Կարծում է՝ կոոպերատիվները լավ մոդել են, սակայն դրանց միջոցով պանրագործների աշխատանքը առավել եկամտաբեր և արդյունավետ չի կարող լինել, քանի որ պանրագործությունը, ինչպես այլ արտադրություններ, բիզնես են և կոոպերտիվների միջոցով բիզնեսի զարգացում գրանցելու համար՝ անհրաժեշտ է ապահովել շուկայի ստաբիլությունը, վարկային սիստեմը, հումքերի ձեռքբերումը։