Հանգստյան օրերին ղարաբաղա-ադրբեջանական հակամարտ զորքերի շփման գծում պահպանվել է հարաբերական անդորր: Այս մասին տեղեկացնում է ԼՂՀ պաշտպանության նախարարությունը:

Հակառակորդը, ըստ պաշտոնական հաղորդագրության, հրադադարի ռեժիմը խախտել է հիմնականում հրաձգային զինատեսակներից:

«ՊԲ առաջապահ զորամասերը տիրապետում են օպերատիվ իրադրությանն առաջնագծում և շարունակում վստահորեն իրականացնել մարտական հերթապահություն»,- հայտնում է ՊՆ-ն: