Այսօր` ժամը 14.14-ին, 4.7 մագնիտուդով երկրաշարժ է գրանցվել Հայաստան-Վրաստան սահմանամերձ գոտում, էպիկենտրոնը` Վրաստանի տարածքում: Այս մասին տեղեկացնում է արտակարգ իրավիճակների նախարարությունը:

Երկրաշարժի աշխարհագրական կոորդինատներն են՝ 41.20⁰ և արևելյան երկայնության 43.92⁰ (Բավրա գյուղից 13 կմ հյուսիս-արևելք):

Երկրաշարժի հիպոկենտրոնը գտնվում է 10 կմ խորության վրա: Ստորգետնյա ցնցման ուժգնությունը էպիկենտրոնում կազմել է 6-7 բալ:

Երկրաշարժը զգացվել է Հայաստանի հյուսիսային հատվածում՝ Գյումրի, Ստեփանավան և Ալավերդի քաղաքներում՝ 4-5 բալ, Երևանում՝ 3 բալ ուժգնությամբ: