Մինչ օրս Երևանի Նորք-Մարաշ վարչական շրջանի բնակիչները կենսաթոշակ նշանակելու (վճարելու), վերահաշվարկելու, երեխայի ծննդյան միանվագ, մայրության և խնամքի նպաստ նշանակելու դիմումները և անհրաժեշտ փաստաթղթերը ներկայացրել են «Կենտրոն-2» սոցիալական ապահովության  տարածքային բաժին: Այսուհետ, Նորք-Մարաշի բնակիչները սոցիալական պաշտպանության ոլորտի հետ կապված բոլոր հարցերով կարող են դիմել իրենց բնակության վայրին մոտ գտնվող համալիր սոցիալական ծառայությունների կենտրոն (հասցե՝ Արմենակյան 133/6, ռուսական մանկապարտեզի շենքում, հեռ. 011 51 87 20): Այս մասին տեղեկացնում է աշխատանքի և սոցիալական հարցերի նախարարությունը` նշելով, որ կենտրոնում այժմ գործում են քաղաքացիների դիմումների ընդունման հստակ և պարզեցված ընթացակարգեր:

«Ընդունարանների գործարկումն իրականացվել է աշխատանքի և սոցիալական հարցերի նախարարության  և Երևանի քաղաքապետարանի միջև ստորագրված համալիր սոցիալական ծառայությունների տարածքային կենտրոնների միասնական ընդունարաններում աշխատանքների կազմակերպման նպատակով սոցիալական համագործակցության համաձայնագրի շրջանակներում»,- տեղեկացնում է նախարարությունը: