Վրաստանի ներքին գործերի նախարարության արտակարգ իրավիճակների դեպարտամենտից ՀՀ ԱԻՆ-ին տեղեկացրել են, որ այսօր՝ ժամը 06.00-ից մինչև 20.00-ը, Լարսի ավտոճանապարհը կբացվի, իսկ գիշերային ժամերին, անվտանգության նկատառումներից ելնելով, կրկին կփակվի: 

Ավտոճանապարհը, համաձայն հաղորդագրության, բաց է բոլոր տեսակի ավտոմեքենաների համար հետևյալ կանոնների պահպանման դեպքում.

• միաժամանակ երկու կողմերից հանդիպակաց երթևեկությունը արգելվում է
• երթևեկությունը պետք է իրականացվի առանց կանգառների
• ինտենսիվ տեղումների դեպքում արգելել տրանսպորտային միջոցների երթևեկությունը

Երթևեկությունը նշված կարգով իրականացվում է պարեկային ոստիկանության անմիջական վերահսկման և կորդինացման ներքո: 

Լուսանկարը` mes.am-ի