Ոստիկանության պարեկապահակային ծառայության գնդի մոտակայքում հուլիսի 19-ին տեղի ունեցած միջադեպի հետեւանքով տարբեր վնասվածքներով 5 տուժած տեղափոխվել է «Էրեբունի» բժշկական կենտրոն, որտել անհրաժեշտ  բժշկական օգնություն ստանալուց հետո բոլորը տուն են գնացել։ Ամբուլատոր պայմաններում ևս 2 տուժած անհրաժեշտ բուժօգնություն է ստացել «Սուրբ Գրիգոր Լուսավորիչ» ԲԿ-ում, 1-ը` ՊՆ կենտրոնական զինվորական հոսպիտալում։ Այս է տեղեկացնում Առողջապահության նախարարությունը:

Հուլիսի 17-ից «Հերացի»  թիվ 1 համալսարանական համալիրի վերակենդանացման բաժանմունքում բուժվող տուժածի վիճակը շարունակում է մնալ կայուն ծանր` արդեն որոշակի դրական շարժընթացով։ Նույնն է նաև «Էրեբունի» ԲԿ-ի վերակենդանացման բաժանմունքում գտնվող տուժածի վիճակը։ Հուլիսի 17-ից այս կենտրոնում բուժվող մյուս տուժածի, ինչպես նաև ՊՆ կենտրոնական զինվորական հոսպիտալում  բուժվողի վիճակը բավարար է։

Այսպիսով, այս պահին ստացիոնար բուժում է ստանում 4  տուժած, որից 2-ը` «Էրեբունի» ԲԿ-ում, 1-ը` «Հերացի»  համալսարանական համալիրում, ու ևս 1-ը` ՊՆ կենտրոնական զինվորական հոսպիտալում։

Բոլոր տուժածներին ողջ ծավալով տրամադրվում է անհրաժեշտ բուժօգնություն։