Երեկ ոստիկանները կոտրել են կինոռեժիսոր Արամ Շահբազյանի թեւը: Նրա ասելով՝ գնացել է դեպի Էրեբունի ոստիկանության շենք, որի դիմաց գտնվում էր ընկերը: Սասունցի Դավիթ-Ձերժինսկի փողոցների խաչմերուկի մոտ ոստիկաններին հարցրել է՝ կարո՞ղ եմ գնալ ընկերոջս մոտ։ Այդ պահին քաղաքացիական հագուստով մեկի հրահանգով ոստիկանները մոտեցել են ու գետնին գլորել Արամ Շահբազյանին։ Դեպքի մանրամասները կներկայացնենք ավելի ուշ: Ի դեպ, այսօր երեկոյան կինոռեժիսորը պետք է մեկնի Բուլղարիա, որտեղ նրա «Մոսկվիչ, իմ սեր» ֆիլմը մասնակցում է Բուրգասի ֆիլմերի միջազգային փառատոնին:

Լուսանկարում՝ Արամ Շահբազյանը (մեջտեղում)