![](/static/articles/06/98/l-ZPdw7jAdZN.jpg)
«ՉԻ». Մենք էլ չենք հասկանում
«Մի բան հաստատ լավ չեմ հասկանում. քրիստոնյա ժողովուրդը ո՞նց կարող է այսքան դժգոհ լինել կյանքից»,- հայտարարել է վարչապետ Տիգրան Սարգսյանը:
«ՉԻ». Տիգրան Սարգսյանն իսկապես ինչ-որ բաներ չի հասկանում, բայց դա նշանակություն չունի: Մեր կարծիքով' ժամանակն է նրան կաթողիկոս նանակել. թրաշը կա, ատրճանակը կա, բիզնեսները կան, մի խոսքով' պակաս բան չկա:
Ինչ վերաբերում է նրա հարցադրմանը, ապա տեղեկացնենք, որ բոլոր մարդիկ, անկախ կրոնական պատկանելությունից, պիտի օրվա ընթացքում որոշակի քանակությամբ կալորիաներ ստանան, պարզ ասած' հաց ուտեն:
Եվ եթե մի քանի կիսագրագետների տխմար կառավարման պատճառով չեն կարողանում բավարարել իրենց այդ տարրական պահանջմունքը, պիտի ոչ թե քրիստոնեական հեզությամբ աղոթեն և երկնային մանանա ակնկալեն, այլ անեն ամեն ինչ, որ վերոնշյալ կիսագրագետները փասափուսաները քաշեն կառավարման համակարգից:
Ի դեպ, հայ ժողովուրդն էլ իր հերթին լավ չի հասկանում' ո՞նց կարող են քրիստոնյա մարդիկ լափել սեփական երկիրը ու իրենց գիտակցական կյանքի մեծ մասն անցկացնել արևմտյան կազինոներում և անառականոցներում:
Մեկնաբանություններ (1)
Մեկնաբանել