Այսօր հրավիրած աշխատանքային խորհրդակցության ժամանակ ոստիկանության պետ Վլադիմիր Գասպարյանը ներկայացրել է համակարգում կատարված կադրային փոփոխությունները: Ըստ այդմ՝ ոստիկանության Երևան քաղաքի վարչության պետ Աշոտ Կարապետյանն ազատվել է զբաղեցրած պաշտոնից ու գրանցվել կադրերի ռեզերվում: Երևան քաղաքի վարչության պետ է նշանակվել ոստիկանության գնդապետ Սարգիս Մարտիրոսյանը, որը մինչ այս ղեկավարում էր ոստիկանության Շիրակի մարզային վարչությունը:
Ոստիկանության տեղեկատվության եւ հասարակայնության հետ կապերի վարչության հաղորդմամբ՝ Վլադիմիր Գասպարյանի հրամանով կատարվել են նաև կադրային այլ փոփոխություններ: Մասնավորապես, ոստիկանության Շիրակի մարզային վարչության պետ է նշանակվել Լոռու մարզային վարչության պետ Արտակ Կարապետյանը, որին այդ պաշտոնում փոխարինել է Տավուշի մարզային վարչության պետ Արշավիր Գևորգյանը:

Լուսանկարում՝ ձախից՝ Աշոտ Կարապետյանը, Վլադիմիր Գասպարյանը, Սարգիս Մարտիրոսյանը