31-րդ ամառային Օլիմպիական խաղերի մրցումային 7-րդ օրը Հայաստանն ունի 3 մարզիկ՝ ծանրորդներ Սոնա Պողոսյանը, Առաքել Միրզոյանը և լողորդ Մոնիկա Վասիլյանը:

Տեղական ժամանակով` 12:30-ին ծանրամարտի կանանց 75 կգ քաշային կարգի B ենթախմբում պայքարի մեջ կմտնի Սոնա Պողոսյանը, իսկ ավելի ուշ՝ 19:00-ին, տղամարդկանց 85 կգ քաշային կարգում մրցակցության մեջ կմտնի Առաքել Միրզոյանը:

Իսկ 13:14-ին կանանց 50 մետր ազատ ոճում կմրցի Մոնիկա Վասիլյանը:

Այս մասին տեղեկացնում է Հայաստանի ազգային օլիմպիական կոմիտեն: