Տեսանյութեր
Լուսանկարներ
Արմեն Մարտիրոսյանը գրավի դիմաց ազատ կարձակվի
ՀՀ Վերաքննիչ քրեական դատարանը քիչ առաջ բավարարեց «Ժառանգություն» կուսակցության փոխնախագահ Արմեն Մարտիրոսյանին գրավի դիմաց ազատ արձակելու միջնորդությունը:
Մարտիրոսյանը ազատ կարձակվի մեկ միլիոն դրամ գրավի դիմաց: Սակայն դեռ պետք է վճարում կատարվի, անդորագիրը ներկայացվի վարույթ իրականացնող մարմնին, որից հետո Մարտիրոսյանին ազատ կարձակեն:
Փաստաբան Գիվի Հովհաննիսյանի խոսքով՝ Մարտիրոսյանի հարազատները այս պահին պետք է գնան «Զվարթնոց» օդանավակայանում շուրջօրյա գործող բանկ, վճարում կատարեն: Ամենայն հավանականությամբ, քիչ հետո անդորագիրը կներկայացվի, և Մարտիրոսյանը դուրս կգա քրեակատարողական հիմնարկից:
«Դատարանում Մարտիրոսյանը իր առակությունները ներկայացրեց, ասաց, որ իր նկատմամբ քաղաքական հետապնդում է իրականացվում, որն իրավաբանության հետ առնչություն չունի»,- նշեց Հովհաննիսյանը:
Փաստաբանը չի բացառում, որ Մարտիրոսյանի ազատ արձակումը հասարակական և միջազգային ճնշման արդյունք էր:
Հիշեցնենք, որ Մարտիրոսյանին կալանավորելու որոշում կայացվել էր օգոստոսի 2-ին: Նա մեղադրվում էր ՀՀ քրեական օրենսգրքի 225 հոդվածի առաջին մասով, այն է՝ զանգվածային անկարգությունների կազմակերպում:
Մեկնաբանություններ (1)
Մեկնաբանել