Հայաստանի իրավապահ մարմիններում թերթի աղբյուրների համաձայն` Հարություն Առաքելյանի հայտարարությունների վերաբերյալ քրեական գործի հարուցումը հղի է լուրջ հետևանքներով: Եթե ապացուցվի, որ Առաքելյանի հայտարարություններն իրականությանը չեն համապատասխանում, նրան կարող է սպառնալ մեղադրողից մեղադրյալ դառնալու հեռանկարը` քրեական և քաղաքացիական օրենսգրքի մի շարք հոդվածներով (սուտ մատնություն, շանտաժ, զրպարտություն):

Դրանց համաձայն` Առաքելյանն իր աչքի առաջ կարող է ունենալ մինչև 5 տարի բանտում անցկացնելու հեռանկարը: Իսկ Առաքելյանի շրջապատից թերթի աղբյուրը հայտնում է, որ վերջինս «Վարչապետ» գործողությունն իրականացնում է սեփական շատ լուրջ խնդիրներին քաղաքական աստառ տալու նպատակով: