Տեսանյութեր
Լուսանկարներ
Քուչակում համայնքապետի թեկնածուները մասնակցեցին ընտրությանը
Մարգարիտա Ղազարյան
Քուչակ գյուղի ընտրություններին իրենց ընտրական պարտքը կատարեցին նաև համայնքապետի թեկնածուներից երկուսը` ներկայիս գյուղապետ Հովիկ Ամիրյանը և Քուչակի մարզադպրոցի հաշվապահ, անկուսակցական Արամ Ասատրյանը:
Արամ Ասատրյանը, ով առաջին անգամ է առաջադրում իր թեկնածությունը, մեզ հետ զրույցում նշեց, որ գոհ է ընտրությունների ընթացքից: Այն հարցին, թե ինչու է որոշել առաջարդրվել, նա պատասխանեց. «գյուղիս համար մի լավ բան անեմ»:
Հովիկ Ամիրյանի կարծիքով` ընտրությունները Քուչակում «միշտ տոն են եղել», այսօր էլ բացառություն չէ: «Ամեն ինչ նորմալ է ընթանում, հաղթող թեկնածուին մաղթում եմ անփորձանք աշխատանք»,- ավելացրեց ներկայիս գյուղապետը:
Նշենք, որ Քուչակում առաջադրված են 4 թեկնածուներ: Մյուս երկու թեկնածուներն են անկուսակցական Արսեն Գալստյանն ու Արմեն Գևորգյանը:
Այս ժամի դրությամբ ընտրությանը մասնակցել են մոտ 310 ընտրող:
Մեկնաբանել