Անահիտ Բաղդասարյան

Սյունիքի մարզի Տեղ համայնքի 37/3  ընտրատեղամասում՝ նախկին Կոռնիձոր համայնքում, ընտրության մասնակիցների թիվը 783 է:

Նախկին գյուղապետ Արկադյա Խաչատրյանի խոսքով` ընտրությանը կմասնակցեն մոտ 600 ընտրողներ: Արկադյա Խաչատրյանն այժմ Տեղ համայնքի ղեկավարի թեկնածու Ներսես Շադունցի վստահված անձն է: 

Ընտրատեղամասում կան «Թրանսփարենսի ինթերնեշնլ հակակոռուպցիոն կենտրոնի» և «Իրավունքի Եվրոպա միավորում» ՀԿ-ի մեկական դիտորդներ, ինչպես նաև վստահված անձինք:

Կոռնիձոր համայնքում կան ավագանու անդամի երեք թեկնածուներ, որոնցից 1-ը կին է:

Կոռնիձորցիները ակտիվ մասնակցում են ՏԻՄ ընտրություններին, սակայն երբեմն իրավիճակը դառնում է անկառավարելի: Տարեցները հիմականում գալիս են իրենց օգնականների հետ ու բաց քվեարկում:

Ժամը 12:30-ի դրությամբ ընտրություններին մասնակցել է 130 ընտրող: