Աննա Կարապետյան

Քիչ առաջ Արարատի մարզի Նոր Խարբերդ գյուղի 16/1 ընտրատեղամասի դիմաց էր 57 համարի երթուղայինը: Միկրոավտոբուսի երթուղին Նոր Խարբերդով չի անցնում։

Տեսանյութում երևում է մեքենայի ուղևորներից մեկը։ Ըստ երևույթին` երթուղայինը այստեղ էր` ընտրողներին տեղամաս բերելու համար, ինչը ընդունված պրակտիկա է Հայաստանի տեղական և հանրապետական ընտրությունների ժամանակ։

16/1 ընտրատեղամասում իրար օգնելու ևս մեկ դեպք գրանցվեց։ Մայրը պատճառաբանում էր, թե աղջիկն առաջին անգամ է եկել ընտրության և չգիտի՝ ինչպես է պետք քվեարկել։ Գրանցամատյանում այս մասին գրառում չարվեց։

Նշենք, որ քիչ չեն դեպքերը, երբ քաղաքացիները օգնում են ընտրողներին: Թեև օրենքը նման հնարավորություն տալիս է` որոշ դժվարությունների առկայության դեպքում, այնուամենայնից, գրանցված որոշ դեպքերի հանգամանքները խիստ վիճելի են: Արագածոտնի Ծաղկահովիտ համայնքում, օրինակ, մինչև 14:30-ը գրանցվել էր նման 38 դեպք, որոնցից մեկի ժամանակ 24-ամյա մի երիտասարդի ուղեկցել էր մեկ այլ երիտասարդ` պատճառաբանելով, թե տղան գրաճանաչ չէ: Իսկ Արմավիրի Հայթաղ գյուղում որոշ ընտրողներ իրենց կույր լինելը պնդել են մինչև քվեախցիկ մտնելը: Ընդ որում, գրանցամատյաններում օգնության ոչ բոլոր դեպքերն են գրանցվել: