Գրեթե կես ժամ կորել էր 14/11 ընտրատեղամասի հանձնաժողովի անդամներից Քնքուշ Բաբախանյանի կնիքը։ Հանձնաժողովի նախագահ Ասատուր Հարությունյանն ու քարտուղարը սկզբում հերքում էին այդ փաստը, սակայն երբ հանձնաժողովի բոլոր անդամներին խնդրեցինք ցույց տալ իրենց կնիքները, Քնքուշ Բաբախանյանը ասաց, որ պայուսակում է: Երբ պնդեցինք ցույց տալ կնիքը, հանձնաժողովի անդամը առանձնացավ Ասատուր Հարությունյանի հետ, զրուցեց, որից հետո նախագահը նրան հորդորեց գնալ՝ կնիքը փնտրելու։

Հարությունյանի խոսքով՝ մոտ 40 րոպե առաջ Քնքուշ Բաբախանյանը այլ ընտրատեղամաս ընտրության է գնացել եւ երբ հետ է վերադարձել, պարզել է, որ կնիքն իր մոտ չէ։ Նախագահը կարծում է, որ հանձնաժողովի անդամը այն որեւէ տեղ է դրել եւ չի հիշում, այդ պատճառով նրան ուղարկեց կնիքը փնտրելու։ Քիչ առաջ Բաբախանյանը վերադարձավ` նշելով, որ այն տանն էր թողել։