Արագածոտնի մարզի Օշական գյուղի երեք ընտրատեղամասերի մոտ առավոտից մեքենաների կուտակումներ կան, մարդկանց մեծամասնությունը ընտրությունների է գալիս մեքենաներով: 15/03 ընտրատեղամասի դիմաց ավտոլվացման կետ կա, պատճառաբանում են, թե մեքենաներն են բերում լվանալու, իսկ մյուս երկուսի մասին տեղյակ չեն:

Մեր տեղեկություններով՝ «լավության կարգով» համագյուղացիներին մեքենաներով բերում են ընտրության, անգամ նրանց, ում չեն ճանաչում:

Հիշեցնենք, որ Օշական գյուղի գյուղապետի թեկնածուները երեքն են' գործող նախագահ Արամ Ներսիսյանը, «Ալյանս» կուսակցությունից' Վերա Զաքարյանը և Օշականի մշակույթի տան տնօրեն Հայկ Հովհաննիսյանը:

Անուշ Ամիրբեկյան