Քրիստինա Տեր-Մաթեւոսյան

Երեկ Արմավիրի մարզի Էջմիածին համայնքում ՏԻՄ ընտրություններ էին: Ընտրությունների արդյունքների ամփոփմամբ պարզ դարձավ, որ ԱԺ պատգամավոր Մանվել Գրիգորյանի որդին՝ Էջմիածնի նախկին քաղաքապետ Կարեն Գրիգորյանը, ձայների ճնշող մեծամասնությամբ հաղթել է:
Նրա օգտին էր քվեարկել 10 հազար 587 ընտրող:

Նրա մրցակիցներից Արթուր Թումանյանը ստացել էր 3 հազար 651 քվե: Իսկ Արթուր Խաչատրյանն էլ հավաքել էր 504 ձայն:

Ըստ ԿԸՀ կայքի՝ Էջմիածնում քվեարկելու իրավունք ունեին 44 հազար 489 մարդ, որոնցից ընտրությանն էին մասնակցել 16 հազար 45-ը: Անվավեր է ճանաչվել հազար 192 քվեաթերթիկ:

Լուսանկարը՝  Էջմիածնի քաղաքապետարանի կայքից