Գայանե Սարգսյան

«Հետքի» հարցերին պատասխանում է «Հայկական Վերածնունդ» կուսակցության Վանաձորի ավագանու թեկնածու, Վանաձորի վերջին գումարման ավագանու անդամ Արկադի Փելեշյանը:

 -Պարեն Փելեշյան, նախընտրական ի՞նչ ծրագրերով եք ներկայանում վանաձորցիներին:

-Պետք է տանիքները վերանորոգվի, ճանապարհները ասֆալտապատվի, խաղահրապարակներ կառուցվի բոլոր բակերում: Ուրիշ քաղաքներում մանկապարտեզներ կան անվճար, մեր քաղաքում չկան: Պետք է աշխատենք, որ մեր քաղաքում էլ դրանք անվճար լինեն:

-Որո՞նք եք համարում Վանաձորի երեք հիմնական խնդիրները:

-Հիմնական խնդիրներն են ասֆալսատապատումը, տանիքների վերանորոգումը, խաղահրապարակաների կառուցումը, աշխատատեղերը:

-Իսկ ինչպե՞ս եք պատկերացնում այդ խնդիրների լուծումը:

-Ընտրվելու դեպքում պետք է ամեն ինչ, ինչ իմ ձեռքից գա, անեմ, նաև դրսից ծրագրեր բերելու միջոցով…

-Որքանո՞վ է համայնքային բյուջեն բավարար քաղաքի հիմնախնդիրները լուծելու համար:

-Համայնքային բյուջեն քիչ է քաղաքի խնդիրները լուծելու համար: Մեզ ծրագրեր են պետք առաջնահերթ: Բյուջեն չի բավարարի, որ մենք շատ կարճ ժամանակում մեր քաղաքի խնդիրները լուծենք:

-Իսկ քաղաքի զարգացման համար ներդրումային ի՞նչ  ծրագրեր եք նախատեսում իրականացնել:

-Դրսից բերվող ծրագրեր: Ճոպանուղին ենք զարգացնելու: Պետք է այնպես անենք, որ ճոպանուղին վերանորոգվի, աշխատի: Աշխատատեղեր պետք է ստեղծվեն մեր քաղաքի համար, բիզնեսի համար նպաստավոր պամաններ պետք է ստեղծենք:

-Ինչո՞ւ պետք է վանաձորցին ընտրի հենց Ձեզ ու Ձեր կուսակցությանը:

-Որովհետև իմ ձեռքից ինչ եկել է, ես իմ ժողովրդի համար միշտ արել եմ: Ինձ վստահում են, ես ոչ մեկին չեմ խաբել, ինչ իմ ձեռքից եկել է, ես արել եմ, դրա համար էլ ինձ վստահում են ու հուսով եմ, որ ինձ կընտրեն:

Կուսակցությունն ունի մեծ կապեր և մեծ հնարավորություններ, կուսակցության ղեկավար  Արթուր Բաղդասարյանն ունի մեծ կապեր, աշխատել է  տարբեր պաշտոններում ու իր հնարավորությունները ավելի մեծ են: Ես գտնում եմ, որ այս կուսակցության հետ հնարավոր է քաղաքի զարգացման ծրագիրն իրականացնել: