![](/static/articles/71/19/l-BLUXdMLKEH.jpg)
«Ամենակարևորն արվեստում չափի զգացումն է» խորագրով Անդրանիկ Քեշիշյանի լուսանկարների ցուցահանդեսը
Նոյեմբերի 24-ին` ժամը 19:00-ին, Նարեկացի արվեստի կենտրոնում (Վարդանանց 16/1) տեղի կունենա Անդրանիկ Քեշիշյանի լուսանկարների ցուցահանդեսը` «Ամենակարևորն արվեստում չափի զգացումն է» խորագրով:
29-ամյա հեռուստաօպերատորի աշխատանքներն առանձնահատուկ են նրանով, որ նախապես մտածված սյուժե ունեն, նատյուրմորտներ են, որոնցում առկա են նուրբ և կոպիտ առարկաների համադրություններ, այլախոհություն, իրեր, որոնք առանձին վերցված այլ իմաստ ունեն, սակայն լուսանկարներում բոլորովին այլ միտք են արտահայտում: Առօրյայում գործածական և առանձնակի գեղեցկություն չունեցող առարկաները լուսային խաղի և հատուկ (ոչ համակարգչային) էֆեկտների արդյունքում յուրահատուկ հետաքրքրություն և գեղեցկություն են ստանում:
Անդրանիկ Քեշիշյանը, ով լուսանկարչությամբ զբաղվում է 15 տարի, երկար տարիներ Մոսկվայում բնակվելուց հետո 2011 թ-ին տեղափոխվել է Հայաստան՝ նպատակ ունենալով շարունակել հետագա ստեղծագործական կյանքն այստեղ: Սա նրա առաջին անհատական ցուցահանդեսն է Հայաստանում:
Ցուցահանդեսում կներկայացվեն ոչ միայն հեղինակի ստեղծագործությունները, այլև դրանց ստեղծման ընթացքը, նկարահանման գործընթացը:
Հետևյալ կայքում կարող եք դիտել Անդրանիկ Քեշիշյանի նկարները` http://Andranik.photodom.com:
Մեկնաբանել