HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Ակտիվություն և կուտակումներ Սևանի ընտրատեղամասերում. գործող քաղաքապետը նույնպես քվեարկեց

Սևանի քաղաքապետ Ռուդիկ Ղուկասյանն իր ընտրելու իրավունքն իրացրեց  23/05 ընտրատեղամասում և արագ դուրս եկավ:

Նշենք, որ մամուլում հրապարակումներ եղան այն մասին, որ Հանրապետական կուսակցությունը որոշել է սատարել անկուսակցական թեկնածու Սարգիս Մուրադյանին, այլ ոչ թե գործող քաղաքապետ Ռուդիկ Ղուկասյանին: Այդ մասին լրագրողների հարցերին Ռուդիկ Ղուկասյանը, կցկտուր պատասխաններ տալով, հեռացավ: Սակայն Սարգիս Մուրադյանն այսօր հաստատել է` ՀՀԿ-ի` իրեն սատարելու հանգամանքը:

Ակտիվություն է նկատվում Սևանի ընտրատեղամասերի մեծ մասում: 23/05 ընտրատեղամասում դռան մոտ մեծ հերթեր են գոյանում: Այս ընտրատեղամասում ընտրողների թիվը 1890 է: Մինչ 11:00-ն ընտրել է 295 քաղաքացի:

23/03 ընտրատեղամասում 1794 ընտրողներից մինչ 11:00-ն արդեն ընտրությանը մասնակցել է 280-ը: Տեղամասի հանձնաժողովի նախագահ Վարդան Նիկողոսյանը մեզ հետ զրույցում նշում է, որ այս տարի ակտիվությունն առավել ակնհայտ է: Վերջինս հանձնաժողովում է եղել նաև 2013 թվականի ԱԺ ընտրությունների ժամանակ, երբ իր տեղամասում ընտրողների 60 % է մասնակցել, այժմ սպասվում է ավելի մեծ ցուցանիշ:

 Հերթերով են մուտք ու ելք անում նաև 23/06 տեղամասում, որտեղ նույն ժամանակահատվածում ընտրողների թիվն անցել է 300-ից: Այս ընտրատեղամասում հերթերը վերահսկում են հանձնաժողովի անդամներն ու վստահված անձինք, քանի որ տարածքում ոստիկաններ չկա: 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter