Մերի Սարգսյան 

Գեղարքունիքի մարզի Լիճք համայնքի 24/02 ընտրատեղամասում ժամը 13։30-ի դրությամբ քվեարկել է 451 ընտրող։ Ընտրությունները ընթանում են բավականին ակտիվ, հանձնաժողովի անդամները հազիվ են զսպում լիճքեցիների հոսքը, տեղամասում ընտրողների թիվը գերազանցում է թույլատրելի թիվը։

Հանձնաժողովի նախագահը՝ Գեղամյան Մեսրոպը, խոստանում է կարգավորել իրավիճակը։ Բայց գյուղացիները հարևան, ծանոթ «կարգախոսներով» սողոսկում են դռնից ներս։ Ժամը 14։00-ի դրությամբ քվեարկել է 503 ընտրող: Հիշեցնենք, որ ընտրողների ընդհանուր թիվը 1862 է։ Նույն ժամի դրությամբ փաստացի գրանցված ծերերին օգնողների թիվը 26 է։

16:00

Գեղարքունիքի մարզի Լիճք համայնքում համայնքապետի և ավագանու անդամների ընտրությունը շարունակում է մարդաշատ մնալ։ Համայնքի հաջորդ ընտրատեղամասում՝ 24/01 ընտրողների ընդհանուր թիվը 1736 է, ժամը 15։45-ի դրությամբ քվեարկել են 580 ընտրող։ Այս ընտրատեղամասում ևս ընտրողներից ոմանք տեղյակ չեն ընտրության կարգին և քվեաթերթիկները ծրարում են քվեախցիկից դուրս գալուց հետո։ Այստեղ ևս զույգով քվեարկությունն ու քվեախցիկի շուրջ քննարկումներն առկա են։

19:45

Գեղարքունիքի մարզի Լիճք համայնքում համայնքապետի և ավագանու անդամների ընտրությունը հասավ իր տրամաբանական ավարտին։ 24/02 համարի ընտրատեղամասում ընտրողների ընդհանուր թիվը 1862 է, քվեարկության մասնակցել է 797-ը։ 24/01 ընտրատեղամասում ընդհանուր թիվը 1736 է, քվեարկել է 716-ը։ Սկսվում է հանձնաժողովի նիստը։

23:00

Գեղարքունիքի մարզի Լիճք համայնքի թիվ 24/02 ընտրատեղամասում, ստորագրությունների և օգտագործած քվեաթերթիկների թիվը չհամապատասխանեց։ Ստորագրություններից մեկը պակասում էր։ Հանձնաժողովի քարտուղարը կազմեց արձանագրություն։