Տեսանյութեր
Լուսանկարներ
Կուտակում է 27/02 ընտրատեղամասի տարածքում, իսկ ոստիկանները տարածքը չեն ազատում
Գառնիի 27/02 ընտրատեղամասի դիմաց կուտակում է։ Հավաքվածներից շատերը ժամեր շարունակ չեն հեռանում ընտրատեղամասի տարածքից։ Ոստիկանները եւս ընտրատեղամասի դիմաց են, սակայն հավաքվածներին չեն հորդորում լքել տարածքը։
Կրկին ընտրատեղամասի տարածք է եկել գործող համայքապետ Աշոտ Վարդանյանը, ով զրուցում է հավաքված տղամարդկանց հետ։ Հսկողություն իրականացնող ոստիկանը հրաժարվեց պարզաբանել, թե ինչու այնտեղ հավաքված տղամարդիկ տարածքը չեն ազատում:
Նա միայն նշեց՝ դիմեք ոստիկանության լրատվական վարչություն։ Իսկ հանձնաժողովի նախագահ Վահե Հարությունյանը պարզաբանեց, որ մեկ անգամ արդեն հսկողություն իրականացնող ոստիկաններին հորդորել է՝ ընտրատեղամասի շրջակայքում քվեարկած կամ անծանոթ մարդկանց չթույլատրել կանգնել, սակայն եւս մեկ անգամ կզգուշացնի: «Չեմ կարծում, որ ընտրատեղամասի դիմաց կանգնելը կարող է խնդիր առաջացնել։ Բայց եթե նրանք ցանկանան ընտրատեղամաս գալ, ես թույլ չեմ տա»,- ասաց նա։
Մեկնաբանություններ (1)
Մեկնաբանել