Տեսանյութեր
Լուսանկարներ
Մեղրաձորի ընտրատեղամասում մեկ թեկնածուն մեկից ավելի վստահված անձ ունի
Մետաքսյա Մաթեւոսյան
Կոտայքի մարզի Մեղրաձոր համայնքում համայնքի ղեկավարի և ավագանու ընտրությունները շարունակվում են: Հանձնաժողովի նախագահ Հրաչ Սարգսյանը մեզ հետ զրույցում նշեց, որ ընտրողների նման հոսքն աննախադեպ է: Նրա տեղեկացմամբ՝ իրենց քվեարկությունը կատարել են ընտրացուցակով գրանցված 1991 ընտրողից մոտ 900-ը: Գրանցամատյանում դեռ ոչ մի ընտրախախտման դեպք չի արձանագրվել, չնայած նրան, որ հանձնաժողովի անդամները մի քանի անգամ զգուշացրին, որ համայնքի ղեկավարի համար նախատեսված ծրարները երբեմն մի կողմից բաց են: Եղավ դեպք, որ հանձնաժողովի անդամը ստիպեց նոր ծրար տրամադրել ընտրողին:
Չնայած հանձնաժողովի անդամների հորդորին՝ մեկ թեկնածուի՝ համայնքի ղեկավարի թեկնածու Վահագն Հայրապետյանի եւ ավագանու անդամի թեկնածու Սամվել Մուրադյանի կողմից ներկայացած վստահված անձինք շարունակում են ներկա լինել քվեարկության սենյակում երկու հոգով և չեն կրում վկայական: Շատ են ինքնուրույն ընտրություն կատարել չկարողացողները: Շատերը ընտրություն են կատարում, քվեախցիկից դուրս են գալիս եւ ապա դրսում ընտրաթերթիկները դնում ծրարի մեջ:
Ընտրությունների ընթացքում հաճախ ընտրասենյակ են մտնում և երկար ժամանակ ընտրությունների ընթացքին հետևում ավագանու թեկնածուները և համայնքի ղեկավարի թեկնածուները:
 |
 |
| Առաջին նկարում ոտքը ոտքին գցած երիտասարդը ավագանու թեկնածու Մանասյան Արսենն է: Երկրորդ նկարում համայնքի ղեկավարի թեկնածու Վահագն Հայրապետյանն է: |
Քվեարկության սենյակում գտնվող թեկնածուներին հանձնաժողովի նախագահը դուրս հրավիրեց մեր դիտարկումից հետո միայն:
Մեկնաբանել