Առողջապահության նախարար Լևոն Ալթունյանն ընդունել է Լիբանանից ժամանած առողջապահության ոլորտում խոշոր ներդրումներ իրականացնող Նաբիլ Մթանիոս Թավիլի ղեկավարած պատվիրակությանը:

Ն.Մ. Թավիլը, ըստ հաղորդագրության, Լիբանանի ամենախոշոր բժշկական կենտրոնների սեփականատերն է, ինչպես նաև երկրի ամենաճանաչված սրտային վիրաբույժը։ Նա համանման ներդրումային ծրագրեր է իրականացրել նաև Ալժիրում և Սուդանում:

Հանդիպման ընթացքում նախարար Ալթունյանը Հայաստանում առողջապահության ոլորտի բարելավման և զարգացման գործում կարևորել է ինչպես միջազգային ընկերությունների ներկայացվածությունը, այնպես էլ ներդրումային ծրագրերը:

Կողմերը քննարկել են համագործակցության հնարավորությունները, նախանշել հետագա կոնկրետ աշխատանքների ճանապարհային քարտեզը: