2011 թ.-ի նոյեմբերի 19-21-ը «Ոսկե ծիրանն անիվների վրա» կինոփառատոնը 5-րդ անգամ այցելեց Արցախ՝ կինոցուցադրություններ կազմակերպելով Ստեփանակերտում և Շուշիում: Ֆիլմացանկում ընդգրկված էին ''Ոսկե ծիրան'' 8-րդ կինոփառատոնի ֆիլմերից լավագույնները և մրցանակակիրները: Ցուցադրվեցին 9 ֆիլմ՝ խաղարկային, վավերագրական և կարճամետրաժ: Փառատոնի բացումը միաժամանակ տեղի ունեցավ Ստեփանակերտի Մշակույթի և երիտասարդության պալատում և Շուշիի «Նարեկացի» արվեստի կենտրոնում: