«Հայաստան» համահայկական հիմնադրամի 14-րդ հեռուստամարաթոնը կմեկնարկի այսօր՝ նոյեմբերի 24-ին` երեկոյան 8-ին, եւ կշարունակվի մինչեւ առավոտյան ժամը 8-ը: Այն կհեռարձակվի Լոս Անջելեսից եւ հնարավոր կլինի դիտել կաբելային, արբանյակային հեռուստատեսությամբ եւ ինտերնետային կապով:

Հայաստանում հեռուստամարաթոնը կհեռարձակվի Հ1, Արմենիա, Շանթ եւ Երկիր Մեդիա հեռուստաալիքներով: Ցանկացողները հեռուստամարաթոնին առցանց կարող են հետեւել Հիմնադրամի http://www.armeniafund.org կայքի միջոցով:

Այս տարի նվիրատվությունները կիրականացվեն հետեւյալ ձեւերով.

•  Այցելելով գործադիր վարչություն /Կառավարության շենք 3, 2-րդ հարկ/ կամ զանգահարելով հետեյալ հեռախոսահամարներին,

     52 15 05      56 01 06      52 64 74

• Այցելելով Հայփոստի բաժանմունքներ մայրաքաղաքում եւ մարզերում,
• SMS նվիրատվությունների միջոցով.

Հայաստանում գործող երեք բջջային օպերատորների բաժանորդները 7733 հեռախոսահամարին ուղարկելով իրենց անուն ազգանունը կամ դատարկ հաղորդագրություն` կնվիրաբերեն 500 դրամ: Ռուսաստանյան բջջային օպերատորների բաժանորդները 7733 հեռախոսահամարին ուղարկելով Jur բառը` կնվիրաբերեն 10 ԱՄՆ դոլարին համարժեք դրամ,

• քարտային փոխանցումներ 52 64 74 հեռախոսահամարին /Visa, MasterCard, ArCa, American Express, Discover, Diners Club international/
• բանկային փոխանցումներ կատարելով hամապատասխան հաշվեհամարներին, որոնք կտրամադրվեն գործադիր վարչության կողմից ցանկացած օր,
• online նվիրատվություն donate.himnadram.org

Տեղեկացնում ենք, որ ռուսաստանաբնակ հայ գործարարների մասնակցությամբ մոսկովյան ճաշկերույթը տեղի կունենա ս.թ. դեկտեմբերի կեսերին:

Հեռուստամարաթոնի ընթացքում կհայտարարվեն տարվա ընթացքում Հայաստանում, Արցախում եւ Սփյուռքում իրականացված դրամահավաք միջոցառումների արդյունքում հավաքագրված գումարները, այդ թվում` հեռախոսամարաթոնի, ռադիոթոնի, ճաշկերույթների, բարեգործական համերգների ու ցուցահանդեսների, փոստային նվիրատվությունների ու SMS հաղորդագրությունների հասույթները, որոնք այս տարի կուղղվեն Հայաստանում եւ Արցախում ջրամատակարարման ոլորտի բարեկարգման ծրագրերին` Հոգաբարձուների խորհրդի կողմից հաստատված, որպես Հիմնադրամի 2011թ. ռազմավարական ծրագիր:

Դեկտեմբերի երկրորդ կեսին Հիմնադրամի գործադիր վարչությունը կհրավիրի մամուլի ասուլիս, որի ընթացքում կլուսաբանվի hեռուստամարաթոնը, եւ գործադիր տնօրեն Արա Վարդանյանը կպատասխանի լրագրողների հարցերին:

Հեռուստամարաթոն 2011-ի հովանավորներն են`

գլխավոր հովանավոր` ՎիվաՍել-ՄՏՍ,

հեռարձակման հովանավոր` Հայբիզնեսբանկ,

ինֆորմացիոն հովանավոր` «Երեւան» ամսագիր,

հովանավորներ` Ամերիաբանկ, Արդշինինվեստբանկ,

Ակբա-Կրեդիտ-Ագրիկոլ բանկ, Արցախբանկ, Յունիբանկ,

ինչպես նաեւ Հայփոստ: