Օրեր առաջ լուր էինք հրապարակել այն մասին, որ մանկական սննդի գերմանական արտադրող «Hipp» ընկերությունը շուկայից հետ է կանչել արտադրանքի մի մասը, քանի որ դրանցում հայտնաբերվել են մետաղական լարեր: «Hipp»-ի պաշտոնական ներկայացուցիչը «Հետքին» պարզաբանել էր, որ «այդ տեսականին Հայաստան ընդհանրապես չի ներկրվում»: Այսօր այդ առնչությամբ պարզաբանում է տվել նաեւ Սննդի անվտանգության պետական ծառայությունը: 

«Օրերս տեղեկատվություն էր տարածվել, որ մանկական սննդի գերմանական արտադրող «Hipp» ընկերությունը շուկայից հետ է կանչել արտադրանքի մի մասը, քանի որ դրանցում հայտնաբերվել են մետաղական լարեր: Մասնավորապես, հետ են կանչվել Hipp Organic հատիկային նախաճաշերը՝ 140 գրամ, ժամկետային մակնշմամբ՝ 19.01-03.03.2017 և արտադրանքի հետևյալ համարներով՝ L190416 / L020616 / L200417 / L030616»: Տեղեկացնում ենք, որ խնդիր առաջացրած Hipp Organic-ի նշված արտադրատեսակից և խմբաքանակից Հայաստանի Հանրապետության տարածք չի ներմուծվել»,- ասված է ՍԱՊԾ տարածած մամուլի հաղորդագրության մեջ։