Տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ հոկտեմբերի 19-ին՝ ժամը 15:00-ի դրությամբ, հանրապետության որոշ շրջաններում տեղում է թույլ անձրև: Ապարանի, Արագածի, Սևանի, տարածաշրջաններում, Գորիսի տարածաշրջանի Շինուհայր գյուղից դեպի  Տաթև,  Մարալիկի տարածաշրջանի Լանջիկ գյուղի շրջակա հատվածներում խիտ մառախուղ է:

Միջպետական և հանրապետական նշանակության ավտոճանապարհները, ըստ պաշտոնական հաղորդագրության, բաց են։