Լոնդոնյան արտասահմանյան մամուլի ասոցիացիայի (FPA) կայքը տեղեկացնում է, որ The Guardian թերթի լրագրող Նիկ Դեյվիսը ասոցիացիայի  կողմից ճանաչվել է տարվա լրագրող: FPA-ի մրցանակների հանձնման արարողությունը տեղի է ունեցել Լոնդոնում, նոյեմբերի 22-ին:

Նիկ Դեյվիսը News of the World  տաբլոիդում հրապարակված հայտնի դեմքերի հեռախոսազանգերի մասին մի շարք հոդվածների հեղինակ է, որը հետագայում վերածվեց սկանդալի:

2009 թվականին հենց իր հրապարակած հոդվածից հետո է սկսվել այդ թերթի գործունեության հետաքննությունը, որի արդյունքում այն փակվել է: 2012 թվականի աշնանը լույս է տեսնելու Դեյվիսի գիրքը՝ նվիրված այդ սկանդալին: