Քիչ անց ՀՀԿ-ն հանրապետության եւ կուսակցության նախագահ Սերժ Սարգսյանի մասնակցությամբ անցկացնելու է աշխատանքային խորհրդակցություն: ՀՀԿ մամուլի խոսնակ Էդուարդ Շարմազանովի փոխանցմամբ, կուսակցությունը այսօր որոշումներ չի կայացնելու եւ քննարկվելու է ընթացիկ հարցեր:

Սակայն, մեր աղբյուրների փոխանցմամբ, նիստում ընթացիկ հարցերից բացի քննարկվելու է նաեւ ԱԺ նախագահի թեկնածուի հարցը. Խորհրդարանը կգլխավորի Սամվել Նիկոյանը, թե նա կբավարարվի միայն ԱԺ նախագահի պաշտոնակատար լինելով:

Նիստին մասնակցելու է նաեւ վարչապետ Տիգրան Սարգսյանը: Չի բացառվում նաեւ, որ այս նիստից հետո, առաջիկայում նոր պաշտոնանկություններ լինեն: